Գերմանիայում ուկրաինացիների շնորհիվ բնակչության ռեկորդային աճ է գրանցվել

Գերմանիայում հայտարարել են ուկրաինացի փախստականների պատճառով բնակչության թվի ռեկորդային աճի մասին։ Այս մասին գրում է Говорит Москва-ն։

Անցյալ տարի երկրի բնակչությունն աճել է 1,3%-ով (1,12 մլն մարդ)։ Նման տվյալներ է ներկայացրել Դաշնային վիճակագրական ծառայությունը։ 

Նշվում է, որ բնակչության թվի նման զգալի աճ գրանցվել է 30 տարվա մեջ առաջին անգամ։

Վիճակագրական ծառայության տվյալներով՝ անցյալ տարեվերջին Գերմանիայում ապրում էր մոտ 84,4 մլն մարդ, այդ թվում՝ 12,3 մլն օտարերկրացի։

Նրանց մեծ մասն ուներ Թուրքիայի, Ուկրաինայի կամ Սիրիայի քաղաքացիություն։ Ամենամեծ աճը ցույց է տվել Ուկրաինայի քաղաքացիություն ունեցող բնակչությունը՝ 915 հազար մարդ։