ՌԴ-ն ուժեղացնում է իր ուժերը` Զապորոժիեի և Բախմուտի ուղղություններն ամրապնդելու համար
Բրիտանական հետախուզության ամենօրյա ամփոփագրում ասվում է, որ վերջին տասն օրվա ընթացքում Ռուսաստանն սկսել է իր ուժերը տեղափոխել Դնեպրի արևելյան ափ՝ Զապորոժիեի և Բախմուտի ուղղություններն ամրապնդելու համար։
Խոսքը 49-րդ բանակի մի քանի հազար զինծառայողի մասին է, այդ թվում՝ 34-րդ առանձին մոտոհրաձգային բրիգադի, ինչպես նաև օդադեսանտային զորքերի և ծովային հետևակի մասերի։
Ուժերի վերաբաշխումը արտացոլում է Ռուսաստանի մոտեցումն առ այն, որ Կախովկա ամբարտակի փլուզումից և դրա հետևանքով ջրհեղեղից հետո ուկրաինական խոշոր հարձակումը Դնեպրով ավելի քիչ հավանական է:
