ՏԵՍԱՆՅՈՒԹ. Անօդաչու է պայթել Կուրսկի մարզում. մանրամասներ

ՌԴ Կուրսկի մարզում կապի աշտարակի վրա հարձակման փորձի ժամանակ անօդաչու է պայթել։ Այս մասին գրում են ռուսական թելեգրամ ալիքները: 

Նախնական տվյալով` անօդաչուն փորձել է գրոհել կապի աշտարակը, սակայն դիպել է նրան և մտել «Բելպոլ» վարչական շենքը։ Կրակը տարածվել է հարևան շենքի վրա, որտեղ պահեստ է գտնվում։ Այրվել է մոտ 1.5 հազար քմ տարածք։

Ռուսաստանի ԱԻՆ մարզի ԳՎ հայտնել է, որ հրդեհի մասին տվյալներ են ստացել հունիսի 16-ին` ժամը 02:29–ին։ Դեպքի վայր են մեկնել մի քանի հրշեջ հաշվարկ, ոստիկանություն, շտապօգնության, էլեկտրական ցանցերի և գազի ծառայության աշխատակիցներ։

Հաղորդվում է, որ տուժածներ չկան, իսկ կրակի հասցված վնասներն ու բռնկման պատճառները պարզվում են։