92 տարեկանում մահացել է Վիետնամում ԱՄՆ գործողությունները գաղտնազերծած ռազմական վերլուծաբանը
Մահացել է Պենտագոնի գաղտնիքների «ազդարար» Դենիել Էլսբերգը։ Նա 92 տարեկան էր։ Այս մասին հայտնում է The Washington Post-ը։
Պենտագոնի դոսյեն փաստաթղթերի գաղտնի հավաքածու է, որը վերաբերում է Վիետնամում ԱՄՆ պատերազմի նախապատրաստմանը և վարմանը: Այն Էլսբերգը հանձնել է The New York Times-ին, որտեղ հրատարակվել է 1971 թվականին։
Փաստաթղթերը ցույց են տվել, որ նախագահ Լինդոն Ջոնսոնի վարչակազմը, ով 1963-1969 թվականներին եղել է Սպիտակ տան ղեկավարը, միտումնավոր վարել է Վիետնամում ռազմական գործողությունների սրման քաղաքականություն, մինչդեռ պաշտոնապես ԱՄՆ իշխանությունները հայտարարել են, որ չեն ձգտում ընդլայնել դրանք։
Դոսիեի հրապարակումը խաթարեց ամերիկյան և համաշխարհային հանրության վստահությունը ԱՄՆ իշխանությունների նկատմամբ։
