Ղրիմում գիշերը և առավոտյան 9 ԱԹՍ է վնասազերծվել․ Ակսյոնով
Ռուս զինվորականները Ղրիմում գիշերը և առավոտյան վնասազերծել են ինը անօդաչու թռչող սարքեր, ասել է հանրապետության ղեկավար Սերգեյ Ակսյոնովը, գրում է Интерфакс-ը։
«Այս գիշեր և առավոտյան ինը անօդաչու թռչող սարք է գրանցվել Ղրիմի Հանրապետության տարածքում. վեցը խոցվել են հակաօդային պաշտպանության ուժերի կողմից, երեքը՝ խցանվել և վայրէջք են կատարել ռադիոէլեկտրոնային պատերազմի միջոցներով»,- գրել է նա իր թելեգրամյան ալիքում։
Ակսյոնովը նշել է, որ «մեկ անօդաչու թռչող սարք պայթել է Կրասնոգվարդեյսկի շրջանում՝ Դոկուչաևո գյուղում»։
Ըստ նրա՝ զոհեր չկան, մի շարք տների ապակիներ են կոտրվել։
