ՏԵՍԱՆՅՈՒԹ. Ոչ ոք չի կարող արգելել ռուսներին պաշտպանել իրենց հողը. Պրիգոժին

Ռուսաստանում գործող «Վագներ» մասնավոր ռազմական ընկերության ղեկավար Եվգենի Պրիգոժինը մեկնաբանել է մեկ ու կես րոպեանոց հոլովակով Պուտինի երեկվա բազմաժամյա հայտարարությունները: 

«Ոչ ոք չի կարող արգելել ռուսին պաշտպանել իր հողը»,- ասել է Եվգենի Պրիգոժինը: 

Ըստ Պրիգոժինի` նույնիսկ եթե ինչ-որ մեկը չցանկանա, «Վագներ» մասնավոր ռազմական ընկերությունը կշարունակի պաշտպանել Ռուսաստանը և նրա շահերը:

Խոսելով ուկրաինական զորքերի մասին`  Պրիգոժինը նշել է, որ նրանք առաջ են գնում հանգիստ, կորցրել են 2 «Լեոպարդ» տանկ և «Բրեդլի» մարտական մեքենա: Թվարկելով ուկրաինայի կորուստները` Պրիգոժինը նշել է, որ ուրախանալ պետք չէ, պետք է մոբլիզացվել, ու հասկանալ, որ նրանք կանգ չեն առնելու մինչև այն պահը, երբ կամ հարված կստանան, կամ մինչև չեն ստանա դրական արդյունք: 

Հիշեցնենք, որ երեկ ՌԴ նախագահ Վլադիմիր Պուտինը ռազմական լրագրողների հետ հանդիպման ժամանակ նշել էր, որ Ռուսաստանում ռազմական դրություն մտցնելու անհրաժեշտություն չկա։