ՏԵՍԱՆՅՈՒԹ. Զանգվածային հակակառավարական ցույց Վարշավայում

Լեհաստանի մայրաքաղաքի կենտրոնում այսօր սկսվել է լեհական ընդդիմության կազմակերպած զանգվածային ցույցը։

Ակցիան իրականացնում է Հանրապետության նախկին վարչապետ (2007-2014 թթ.), Եվրոպական խորհրդի նախկին ղեկավար (2014-2019 թթ.) Դոնալդ Տուսկի «Քաղաքացիական պլատֆորմ» ամենամեծ ընդդիմադիր կուսակցությունը։

Ցույցի կազմակերպիչների խոսքով, սա ակցիա է «բարձր գնի, չարագործության և ստի դեմ՝ հանուն ազատ ընտրությունների և ժողովրդավարական եվրոպական Լեհաստանի»։

Ակցիային մասնակցելու համար Վարշավա են ժամանել ավելի քան 1000 ավտոբուսներ երկրի տարբեր շրջաններից։ Բազմաթիվ մասնակիցներ մայրաքաղաք են եկել գնացքներով ու անձնական մեքենաներով։

Լեհաստանի այլ ընդդիմադիր կուսակցությունների հայտնի ներկայացուցիչներ միացել են երթին այն բանից հետո, երբ հանրապետությունում ընդունվել է պետական ​​հանձնաժողով ստեղծելու՝ վերջին 20 տարիների ընթացքում իշխանությունների կայացրած որոշումների վրա ենթադրյալ «ռուսական ազդեցության» փաստերը հետաքննելու որոշումից հետո: