Միլիարդատեր Ուորեն Բաֆեթը կոչ է արել պատասխանատվության ենթարկել սնանկացած բանկերի ղեկավարներին
Միլիարդատեր և աշխարհի խոշորագույն ներդրողներից մեկը՝ Ուորեն Բաֆեթը, հայտարարել է, որ անհրաժեշտ է պատասխանատվության ենթարկել սնանկացած բանկերի ղեկավարներին։ Այս մասին հայտնում է Bloomberg-ը։
«Իրավիճակը բանկային ոլորտում շատ նման է նրան, ինչ միշտ եղել է բանկային ոլորտում. վախը միշտ վարակիչ է», - ասել է Բաֆեթը շաբաթ՝ մայիսի 6-ին, Օմահայում Կոնգլոմերատի տարեկան ընդհանուր ժողովում, Նեբրասկա:
«Պատասխանատվությունը պետք է ընկնի այն մարդկանց վրա, ովքեր խնդիրներ են առաջացրել»,- ասել է նա։ Միլիարդատերը նշել է, որ սնանկացած First Republic բանկը հսկայական և առանց գրավի հիփոթեքային վարկեր է տրամադրել. նման առաջարկն ուղղակի խելագարություն էր։
«Դա արվեց բոլորի աչքի առաջ, և աշխարհը անտեսեց այն, մինչև դրա պայթելը», - ավելացրել է Բաֆեթը:
