Սպասելը երկար չի տևի․ Լավրովը՝ ԱՄՆ-ի հետ երկխոսության վերսկսման մասին

ՌԴ ԱԳ նախարար Սերգեյ Լավրովը հայտնել է, որ ԱՄՆ-ի և Ռուսաստանի միջև հարաբերությունների բարելավումը հեռու չէ։ Այս մասին հայտնում է «Ռոսիա-1» հեռուստաալիքը։
 

«Համենայնդեպս, մենք չենք կորցնում հույսը, որ ամերիկացիները ուշքի կգան, և կվերսկսեն ինչ-որ երկխոսություն։ Եկեք տեսնենք։ Սպասելը երկար չի տևի»,- ասել է դիվանագետը։
 

Մեկնաբանելով ԱՄՆ-ի նոր դեսպան Լին Թրեյսիի կողմից ՌԴ նախագահ Վլադիմիր Պուտինին հավատարմագրերի հանձնումը, Լավրովն ասել է, որ ԱՄՆ-ի հետ հարաբերությունները պետք է պահպանվեն անկախ ամեն ինչից, և հույս հայտնեց, որ Սպիտակ տունը «կարթնանա» և երկխոսությունը կվերսկսվի։

Միևնույն ժամանակ, ՌԴ ԱԳՆ ղեկավարն ասել է, որ այժմ Մոսկվայի և Վաշինգտոնի հարաբերությունները գտնվում են «թեժ պատերազմի» փուլում, քանի որ ուկրաինական զորքերը կռվում են Ռուսաստանի դեմ՝ օգտագործելով ամերիկյան զենքը։