ՏԵՍԱՆՅՈՒԹ. Կասկադում կտրված թեղիների փոխարեն սակուրաներ են տնկում
Կասկադում երեկ տեղի ունեցած ծառահատումներից հետո Երևանի քաղաքապետարանն այսօր առաջին փոխարինող ծառերը տնկեց։ Այս մասին հայտնում է Sputnik Արմենիան:
Այստեղ հատված մեծ թեղիներին փոխարինելու են ճապոնական սակուրաները։
Ըստ քաղաքապետարանի` քաղաքի կանաչ ֆոնդն առողջացնելու համար քաղաքում կփոխարինվի ու կտեղադրվի 10 տարեկան ավելի քան 2000 արժեքավոր և գեղազարդ ծառ։
Հիշեցնենք, որ երեկ վաղ առավոտից Երևանի կենտրոնում «Կանաչապատում և շրջակա միջավայրի պահպանություն» ՀՈԱԿ-ի աշխատակիցները իրականացնում էին ծառերի հատում, ինչը դժգոհությունների ու քննադատությունների պատճառ էր դարձել հանրության շրջանում։
