Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Կրեմլը բարձր է գնահատում Թուրքիայի առաջնորդ Ռեջեփ Թայիփ Էրդողանի խաղաղապահ ջանքերը։ Այսպես մամուլի քարտուղարը մեկնաբանել է Թուրքմենստանի նախկին ղեկավար Գուրբանգուլի Բերդիմուհամեդովի հայտարարությունը, թե ինքը պաշտպանում է Էրդողանի առաջադրումը Խաղաղության Նոբելյան մրցանակի համար։ Տեղեկատվությունը փոխանցում է kommersant.ru-ն: 

«Մենք բարձր ենք գնահատում պարոն Էրդողանի ջանքերը, նրա խաղաղապահ գործունեությունը, միջնորդական ծառայություններ մատուցելու նրա փորձերը, ինչպես նաև նրա վերաբերմունքը ռուս-թուրքական հարաբերությունների զարգացման նկատմամբ», - ասուլիսի ժամանակ ասել է Դմիտրի Պեսկովը։

Ռեջեփ Թայիփ Էրդողանը 2022 թվականի դեկտեմբերին առաջադրվել է Խաղաղության Նոբելյան մրցանակի։