Պենտագոնի ղեկավարը ՌԴ-ին կոչ է արել պրոֆեսիոնալ թռչել
Պենտագոնի ղեկավար Լլոյդ Օսթինը Սեւ ծովի վրա անօդաչու թռչող սարքի հետ կապված միջադեպից հետո ռուսական ռազմական ավիացիային կոչ է արել «անվտանգ եւ պրոֆեսիոնալ» թռչել եւ նաեւ հավաստիացրել է, որ ԱՄՆ զինված ուժերը կշարունակեն գործել ամենուր, որտեղ միջազգային իրավունքը թույլ է տալիս:
«Պետք չէ մոլորության մեջ ընկնել։ ԱՄՆ-ը կշարունակի թռչել եւ գործել ամենուր, որտեղ թույլ է տալիս միջազգային իրավունքը։ Ռուսաստանը պետք է օգտագործի իր ռազմական ինքնաթիռները անվտանգ եւ պրոֆեսիոնալ կերպով»,- ասել է Օսթինը` բացելով Ուկրաինային ռազմական օգնության դոնոր երկրների հերթական հանդիպումը:
Ավելի վաղ Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հայտարարել էր, թե վստահ չէ, որ ԱՄՆ-ը կկարողանա Սեւ ծովի հատակից անօդաչու թռչող սարքի բեկորներ ստանալ։
ԱՄՆ պաշտպանության նախարարությունը հայտնել է, որ ռուսական «Սու-27»-երը երկնքում ջրային տարածքի վրա որսացել են MQ-9 Reaper հետախուզական անօդաչու թռչող սարք, իսկ նրանցից մեկը թեւով հարվածել է դրան՝ վնասելով պտուտակը։ Սարքը ստիպված խորտակել է ամերիկյան կողմը։
