Էրդողանն ու Ալիևը հանդիպել են, ինչ են քննարկել
Չորեքշաբթի երեկոյան Անկարայում կայացել է Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի հանդիպումը՝ քննարկելու երկկողմ հարաբերությունները և հայ-ադրբեջանական հարաբերությունների կարգավորումը։
«Զրույցի ընթացքում նախագահները մտքեր են փոխանակել Ադրբեջանի և Հայաստանի միջև հարաբերությունների կարգավորման գործընթացի և խաղաղության պայմանագրի շուրջ բանակցությունների ընթացքի շուրջ»,- նշվում է Ադրբեջանի ղեկավարի կայքում տեղադրված տեղեկատվության մեջ։
Ալիևն ու Էրդողանը, անդրադառնալով երկկողմ հարաբերություններին, ընդգծել են Ադրբեջանի և Թուրքիայի միջև հաջող համագործակցությունը բոլոր ոլորտներում։
«Նախագահները քննարկել են երկկողմ համագործակցության խորացումը քաղաքական, տնտեսական, առևտրային, էներգետիկ ոլորտներում, պաշտպանական և պաշտպանական արդյունաբերության ոլորտներում, ինչպես նաև քննարկել են տարածաշրջանային խնդիրներ»,- նշվում է տեղեկատվության մեջ։
Ալիևը չորեքշաբթի այցով ժամանել է Թուրքիա՝ մասնակցելու Թուրքական պետությունների կազմակերպության (OTG) արտահերթ գագաթնաժողովին, որը կկայանա մարտի 16-ին։
