Փողերի լվացման գործով կալանավորվել է նաև «Մեդլայնի» փոխտնօրենը
Կալանավորվել է «Մեդլայն Կլինիկ» բժշկական կենտրոնի փոխտնօրենը: Տեղեկությունը հաստատել են ՀՀ հակակոռուպցիոն կոմիտեից:
Նախաձեռնված հանրային քրեական հետապնդման վարույթի շրջանակում ավելի վաղ ձերբակալվել էին «Մեդլայն Կլինիկ»–ի 8 աշխատակիցներ, որոնք երեկ` մարտի 13–ին, ազատ արձակվեցին։
Երևանի փոխքաղաքապետ Գևորգ Սիմոնյանը մարտի 12–ին կալանավորվել է։ Նրան մեղադրանք է ներկայացվել ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը):
Նշենք, որ ավելի վաղ կալանավորվել էր նույն կլինիկայի տնօրեն Բաբկեն Շահումյանը։
