Ադրբեջանական կողմի տեսանյութում ոչ թե ռազմական, այլ արտակարգ իրավիճակների ծառայության մեքենաներ էին. Արցախի ՆԳՆ

Ադրբեջանական լրատվամ­իջոցները երեկ՝ մարտի 13-ին, հերթական ապ­ատեղեկատվությունն են տարածել այն մասին, որ ռուսական խաղաղապահ զորակազմի ծառայող­ների ուղեկցությամբ Հայաստանից Արցախ զինծ­առայողներ ու զենք է տեղափոխվել՝ կից հրա­պարակելով մեքենաների փոքր շարասյան մի տե­սանյութ: Այս մասին գրում է Արցախի Տեղեկատվական շտաբը:

Իրականում, ադրբեջանա­կան կողմի հրապարակած տեսանյութում ոչ թե ռազմական, այլև արտա­կարգ իրավիճակների պե­տական ծառայությանը պատկանող մեքենաներ են: Արտակարգ իրավիճակ­ների պետական ծառայու­թյան աշխատողներն ԱՀ խաղաղ բնակիչներին ռուս խաղաղապահների ու­ղեկցությամբ ուղեկցել են դեպի Շուշիի շրջ­անի Հին շեն գյուղ։

 Հաշվի առնելով այդ ճա­նապարհի լեռնային ու խիստ դժվարանցանելի բնույթը՝ Արցախի փրկա­րարները ստիպված էին ՈւԱԶ մեքենաներով կա­զմակերպել քաղաքացինե­րի փոխադրումը: Իսկ ռուս խաղաղապահնե­րը կատարել են իրենց գործառույթները՝ ապա­հովելու համար քաղաքա­ցիական անձանց անվտան­գությունը, առավել ևս՝ մարտի 5-ի դիվերսի­ոն հարձակումից հետո առաջացած լրացուցիչ վտանգների պայմաններո­ւմ: 
 

[4d15fe6a367b054e2a867fffb2836235.jpg]

[545d3537283613762cc12b6fb4bf755b.jpg]

[1e40b7dcc99e3dd0a7828f56051aa6d0.jpg]

[e928c33309ea9fea22124921b4c3a6a0.jpg]