ՏԵՍԱՆՅՈՒԹ. Կիևի երկինքը ծխով է պատված. հզոր պայթյուններ են եղել
Ըստ ուկրաինական լրատվամիջոցների` վաղ առավոտից ամբողջ Ուկրաինայում օդային տագնապ է հայտարարված։ Հաղորդվում է Կիևում մի քանի հզոր պայթյունի մասին, որոնց հետևանքով նկատվում է թանձր ծուխ:
Խարկովի մի մասը հոսանքազրկված է, մետրոյի աշխատանքը` դադարեցված։ Օդեսայի շրջանի իշխանությունները գրում են էներգետիկ ենթակառուցվածքների օբյեկտներում պայթյունների մասին։
Պայթյուններ են լսվում Լվովի, Տերնոպոլի, Զապորոժիեի, Իվանո-Ֆրանկովսկի, Չեռնիգովի, Վիննիցայի շրջաններում. Դնեպրում, Լուցկում, Ռիվնեում:
Կիևի քաղաքապետ Վիտալի Կլիչկոն նաև հայտնել է Կիևի Գոլոսեևսկի թաղամասում պայթյունի մասին։
