ՏԵՍԱՆՅՈՒԹ. Ջրցաններ, գազ, կրակ. նոր կադրեր և մանրամասներ Վրաստանի բողոքի ցույցից
Վրաստանի ներքին գործերի նախարարությունը հայտարարել է օտարերկրյա գործակալների մասին օրենքի դեմ բողոքի ցույցի ժամանակ 66 մարդու ձերբակալության մասին։ Այս մասին հայտնում են վրացական լրատվամիջոցները:
Հաղորդվում է, որ ՆԳՆ մոտ 50 աշխատակից վիրավորվել է, նրանցից մի քանիսը վիրահատական միջամտության կարիք են ունեցել, նրանք դեռ բուժհաստատություններում են:
Հետաքննություն է սկսվել իրավապահների նկատմամբ բռնություն գործադրելու փաստով:
Ցուցարարները վնասել են ոստիկանական մեքենաներ, հատուկ տեխնիկա, հրկիզել խորհրդարանի շենքը, ջարդել ապակիները և կոտրել անվտանգության ցանկապատերը.
Հավաքվածների բողոքը դուրս է եկել խոսքի ազատության և խաղաղ հավաքների մասին օրենքով սահմանված սահմաններից և ստացել բռնի բնույթ.
ոստիկաններին ստիպել են հետևողականորեն համամասնական ուժ կիրառել:
Հիշեցնենք, որ «Օտարերկրյա ազդեցության թափանցիկության մասին» օրենքի նախագծի համաձայն` Վրաստանում առաջարկվում է կազմել դրսից ֆինանսավորվող ՀԿ–ների, ԶԼՄ–ների և այլ սուբյեկտների ռեեստր։
Իշխող «Վրացական երազանք» կուսակցության առաջնորդը, մեկնաբանելով այս նախաձեռնությունը, հայտարարել էր, որ քաղաքացիներին հատուկ ապակողմնորոշում են, ապատեղեկատվություն տարածելով, իսկ ՀԿ–ների թափանցիկությունը կօգնի նվազեցնել երկրում քաղաքական բևեռացումը։
