Իրանը զգուշացնում է թույլ չտալ Իսրայելի ներկայությունը Կովկասում․ Աբդոլլահիան
Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ երկիրը աջակցում է Թուրքիայի և Սիրիայի միջև հարաբերությունների վերականգնմանը։ Այս մասին գրում է Tasnim-ը։
«Մենք ողջունում ենք Թուրքիա-Սիրիա հարաբերությունների վերականգնումը և շահագրգռված ենք աշխատել Սիրիայի և Թուրքիայի միջև թյուրիմացությունների կարգավորման ուղղությամբ»,- ասել է Ամիր Աբդոլլահիանը չորեքշաբթի Անկարայում իր թուրք գործընկեր Մևլութ Չավուշօղլուի հետ համատեղ մամուլի ասուլիսում։
Նա նաև ասել է, որ կովկասյան տարածաշրջանում իսրայելական ռեժիմի ներկայությունը տարածաշրջանի առջև ծառացած կարևոր խնդիրներից է․ «Իրանը բոլոր կողմերին զգուշացնում է զգոն լինել Իսրայելի հարցում և թույլ չտալ Իսրայելի ներկայությունը Կովկասում»։
Ամիր Աբդոլլահիանն այնուհետև ասել է, որ Իրաքի հյուսիսային շրջանից ծագող ահաբեկչությունը ընդհանուր սպառնալիք է և՛ Իրանի, և՛ Թուրքիայի համար։
