Վրաստանի խորհրդարանում ծեծկռտուք է եղել։

Իրավիճակը սրվել է այն բանից հետո, երբ իրավաբանական հանձնաժողովի նախագահը կոչ է արել մի քանի պատգամավորների հեռացնել դահլիճից՝ տեղից բղավելու ու միջամտելու պատճառով։ Արդյունքում ընդդիմության մի մասին, այնուամենայնիվ, հեռացրել են։ Նիստն այժմ հետաձգվել է։

Վրաստանի խորհրդարանի իրավական հարցերի հանձնաժողովն այսօր քննարկում է «Օտարերկրյա գործակալների մասին» օրինագծերը։

Aliq.ge-ի փոխանցմամբ՝ հանձնաժողովի նախագահ Անրի Օխանաշվիլին երկու անգամ տեխնիկական ընդմիջում է հայտարարել պատգամավորների բողոքի ու բղավոցների պատճառով։ 10 պատգամավորներ նախազգուշացում են ստացել, մի քանիսը լքել են դահլիճը։