ՏԵՍԱՆՅՈՒԹ. Թբիլիսիում մետրոյի կայարանի մոտ հրաձգություն է տեղի ունեցել. կա վիրավոր
Թբիլիսիում մետրոյի «Դելիսի» կայարանի մոտ հրաձգություն է տեղի ունեցել, ինչի հետևանքով մեկ մարդ վիրավորվել է։ Հայտնում է Readovka-ն:
Տեղական լրատվամիջոցների փոխանցմամբ՝ դեպքը տեղի է ունեցել բիզնես կենտրոնի բակում, տուժածն արդեն տեղափոխվել է հիվանդանոց։ Նա բուժօգնություն է ստանում։
Նշենք, որ Վրաստանի մայրաքաղաքում հրաձգությունը տեղի է ունեցել ընդդիմության զանգվածային ցույցերի ֆոնին։ Ցուցարարները դժգոհ են օտարերկրյա գործակալների մասին օրինագծից, որը նախատեսում է արտերկրից ֆինանսավորվող լրատվամիջոցների և կազմակերպությունների տեղական ռեգիստր ստեղծել։ Նրանք կարծում են, որ առաջարկվող օրենքը Վրաստանին հեռացնում է ԵՄ անդամակցությունից: Հաղորդվում է, որ ցույցի մասնակիցները երկրի նախկին նախագահ Միխեիլ Սաակաշվիլիի կողմնակիցներն են։
