ԵՄ-ն ափսոսանք է հայտնել և կոչ արել հետաքննել ԼՂ-ում տեղի ունեցած միջադեպը

 Բրյուսելը ցավում է շփման գծի երկայնքով բռնության բռնկման համար, որի հետեւանքով առնվազն հինգ մարդ է զոհվել։ Այս մասին ասվում է ԵՄ արտաքին քաղաքական ծառայության մեկնաբանության մեջ՝ կապված Ղարաբաղում ադրբեջանական դիվերսիայի հետ։ 

«Մարդկային կյանքեր խլած այս միջադեպի հանգամանքները պետք է մանրակրկիտ հետաքննվեն։ Մենք կոչ ենք անում բոլոր շահագրգիռ կողմերին զսպվածություն դրսեւորել՝ կանխելու ցանկացած հետագա գործողություն, որը կարող է ավելի խաթարել տարածաշրջանային կայունությունը եւ սպառնալիքի տակ դնել խաղաղ գործընթացը»,- ասվում է հաղորդագրության մեջ։

Հիշեցնենք` մարտի 5-ի առավոտյան՝ ժամը 10։00-ի սահմաններում, ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։

Զոհվել է երեք ոստիկան, մեկը վիրավորվել է։

Բաքուն իր հերթին հայտնել է երկու ադրբեջանցի զինծառայողի մահվան մասին։