ՏԵՍԱՆՅՈՒԹ․ ԱՄՆ-ում մահվան ելքով ավտովթար-վրաերթի հետևանքով շենք է փլուզվել
ԱՄՆ-ում ավտովթարի հետևանքով շենք է փլուզվել։ Այս մասին գրում է New York Post-ը։ Միջադեպը տեղի է ունեցել փետրվարի 8-ին, սակայն ոստիկանությունը միայն մեկ ամիս անց է հրապարակել տեսախցիկի ֆիքսած կադրերը։
Նշվում է, որ խոշոր ավտովթարը եղել է Մերիլենդ նահանգի Բալթիմոր քաղաքում։ Տղամարդը գողացված Hyundai Sonata մակնիշի ավտոմեքենայով փորձել է փախչել ոստիկաններից և մեծ արագությամբ հատել է խաչմերուկներից մեկը, երբ տվյալ ուղղության համար կարմիր լույս էր վառվում։
Արդյունքում նրան է բախվել մեկ այլ ավտոմեքենա, ինչի հետևանքով երկուսն էլ կորցրել են կառավարումն ու հայտնվել մայթին՝ բախվելով երկհարկանի շենքի պատին։ Հարվածի հետևանքով շենքը մասամբ փլվել է, իսկ բեկորները թափվել են մեքենաների վրա։ Մեքենաների բախումից հետո Hyundai-ն հարվածում է մայթով անցնող հետիոտնին։
Հաղորդվում է, որ հետիոտնը տեղում մահացել է։ Առևանգված ավտոմեքենայի վարորդը միջադեպից հետո բերման է ենթարկվել։
