Առաջիկա ժամերին Պուտինը ՌԴ Անվտանգության խորհրդի արտահերթ նիստ կանցկացնի: Այս մասին հաղորդում են Պետդումայի ղեկավարության լրատվամիջոցների աղբյուրները։ 

Արտահերթ նիստը աղբյուրները կապում են ռուսական քաղաքների վրա անօդաչու թռչող սարքերի և դիվերսիոն խմբերի հարձակման հետ:

Քիչ առաջ հայտնել էինք, որ Ուկրաինացի դիվերսանտները ներթափանցել են ՌԴ տարածք, մի քանի մարդու պատանդ են վերցրել։ 

Հավելենք` ՌԴ ԱԴԾ-ն հաստատել է Բրյանսկի շրջանում հարձակման մասին տեղեկությունը։ 

«Բրյանսկի մարզի սահմանամերձ Կլիմովսկի շրջանում ՌԴ ԱԴԾ-ն և ՌԴ ՊՆ կից ուժերը միջոցներ են ձեռնարկում պետական ​​սահմանը խախտած ուկրաինացի զինված ազգայնականներին ոչնչացնելու համար»,- ասվում է հայտարարության մեջ։