ԱՄՆ իշխանությունները չեն բացառել ապագայում Ղրիմի պատկանելիության հարցի վերանայումը
Միացյալ Նահանգները հայտարարել է Ղրիմի պատկանելիության հարցի հնարավոր վերանայման մասին։ Այս մասին գրում է Говорит Москва-ն։
Ամերիկյան իշխանությունները կարծում են, որ դա հնարավոր է անել ապագայում։
«Ղրիմի հարցը այն հարց է, որը տեղի կունենա ապագայում։ Սա այն է, ինչին մենք կգանք», - ասել է ԱՄՆ նախագահի ազգային անվտանգության հարցերով խորհրդական Ջեյք Սալիվանը NBC News-ին տված հարցազրույցում:
Միաժամանակ, Սալիվանը, պատասխանելով Ղրիմի կարգավիճակի քննարկմանը Սպիտակ տան հնարավոր մասնակցության մասին հարցին, պարզաբանել է, որ ԱՄՆ-ն սկզբունքորեն չի պատրաստվում քննարկել այլ երկրի ինքնիշխանության հետ կապված խնդիրներ։
Նա ընդգծել է, որ Կիևն այժմ պետք է կենտրոնանա կարճաժամկետ նպատակների վրա՝ Վաշինգտոնի աջակցությամբ մարտի դաշտում առավելություններ ձեռք բերելու համար։ Նրա խոսքով՝ այս հաջողությունները, ի վերջո, պետք է թույլ տան «լիովին վերականգնել Ուկրաինայի տարածքային ամբողջականությունը»։
