Ինչպե՞ս կարձագանքի ԱՄՆ-ն, եթե Չինաստանն ապագայում սկսի «հատել սահմանը». Բայդենը պատասխանում է

ԱՄՆ իշխանությունները կպատասխանեն Չինաստանին, եթե նրա իշխանությունները մահաբեր զենք ուղարկեն Ռուսաստան՝ որպես ռազմական օգնություն Ուկրաինայի հատուկ գործողության ժամանակ։ Այս մասին զգուշացրել է ԱՄՆ նախագահ Ջո Բայդենը։

ABC-ի թղթակից Դեյվիդ Մյուիրին տված հարցազրույցի ժամանակ նախագահ Ջո Բայդենն ասել է, որ ԱՄՆ-ը կարձագանքի, եթե Չինաստանը մահաբեր զենք մատակարարի Ռուսաստանին, թեև նշել է, որ չի սպասում, թե Չինաստանը կանի դա: Տեղեկատվությունը փոխանցում է ura.news-ը:

«Ես մեծ նախաձեռնություն չեմ ակնկալում Չինաստանից, որը զենք է մատակարարում Ռուսաստանին»,- ասել է Ջո Բայդենը։ 

Լրագրողը Բայդենին հարցրել է, թե ինչպես կարձագանքի ԱՄՆ-ն, եթե Չինաստանն ապագայում սկսի «հատել սահմանը», ԱՄՆ առաջնորդը նշել է, որ ԱՄՆ-ը կոշտ կպատասխանի դրան և անդրադարձել է այն պատժամիջոցներին, որոնք այլ երկրները ստացել են Ռուսաստանին աջակցությունից հետո։  

«Մենք կոշտ պատժամիջոցներ ենք կիրառել բոլոր նրանց նկատմամբ, ովքեր դա արել են»,- հիշեցրել է նա։