Թուրքիան չի միանա Ռուսաստանի դեմ պատժամիջոցներին. Չավուշօղլու
Թուրքիայի արտգործնախարար Մևլութ Չավուշօղլուն ամերիկացի գործընկեր Էնթոնի Բլինկենի հետ մամուլի ասուլիսի ժամանակ ասել է, որ Անկարան չի միանում Ռուսաստանի դեմ միակողմանի պատժամիջոցներին: Այս մասին գրում է Ria.ru-ն:
ԱԳՆ ղեկավարը նշել է, որ Թուրքիան Ռուսաստանի համար չի դառնա ԱՄՆ-ի և ԵՄ պատժամիջոցները շրջանցելու վայր։
«Մենք չենք միանում Ռուսաստանի դեմ միակողմանի պատժամիջոցներին, բայց հավատարիմ ենք ՄԱԿ-ի պատժամիջոցներին։ Բայց մենք նաև միջոցներ ենք ձեռնարկում և վերահսկում իրավիճակը, որպեսզի ԱՄՆ-ի և Եվրամիության սահմանած պատժամիջոցները չշրջանցվեն Թուրքիայի տարածքով»,- ասել է ԱԳՆ ղեկավարը Չավուշօղլուն:
Ավելի վաղ Թուրքիայի նախագահի պաշտոնական ներկայացուցիչ Իբրահիմ Կալինը հայտարարել էր, որ Ռուսաստանի դեմ Թուրքիայի պատժամիջոցները հիմնականում խաղալու են հենց Անկարայի դեմ։
Ռուսաստանի Դաշնությունը բազմիցս հայտարարել է, որ երկիրը հաղթահարելու է պատժամիջոցների ճնշումը, որը Արևմուտքը սկսել է մի քանի տարի առաջ կիրառել:
