Կիև է ժամանել նաև ԱՄՆ նախագահի ազգային անվտանգության հարցերով խորհրդական Ջեյք Սալիվանը, հայտնել է Ուկրաինայի նախագահի գրասենյակի ղեկավար Անդրեյ Երմակը։ Այս մասին գրում է RTVI-ը:

«Ուզում եմ շնորհակալություն հայտնել Ջո Բայդենի ազգային անվտանգության հարցերով խորհրդական Ջեյք Սալիվանին, ում հետ մենք աշխատել ենք, ի թիվս այլ հարցերի, նաև այցի հարցում։ Շատ գոհ եմ կառուցողական համագործակցությունից, որը միշտ հզոր արդյունք է տալիս»,- ասված է ուղերձում։ Երմակը Telegram-ի իր ալիքում տեղադրել է նաև Բայդենի Կիև կատարած այցի կադրերը։