Ուկրաինայի նախագահ Վլադիմիր Զելենսկին Կիևում բանակցություններ է վարել ԱՄՆ նախագահ Ջո Բայդենի հետ և ասել, որ ամերիկացի առաջնորդի Կիև այցի արդյունքը շոշափելի կլինի ռազմի դաշտում՝ Ռուսաստանի դեմ պայքարում։ Այս մասին գրում է UNIAN-ը: 

«Այս շաբաթ արդեն լրանում է մեր անպարտելիության, ռուսական ագրեսիայի դեմ պայքարի տարին: Եվ շատ խորհրդանշական է, որ մենք ամրապնդում ենք մեր դիմադրողականությունը պարոն նախագահի հետ երկու հանդիպումներով՝ իմ ու մեր թիմի այցով Վաշաինգտոն: Այս այցերի արդյունքները, անշուշտ, շոշափելի կլինեն մարտի դաշտում, մեր զինվորների հզորացման և մեր տարածքների ազատագրման գործում»,-ասել է Զելենսկին։
 

Ավելի վաղ տեղեկացել էինք, որ ԱՄՆ նախագահ Ջո Բայդենը Կիևում է։