Բայդենի այցի ժամանակ ԱՄՆ 3 հետախուզական ինքնաթիռ է հերթապահել Ուկրաինայի սահմանների մոտ

ԱՄՆ ռազմաօդային ուժերի միանգամից երեք հետախուզական ինքնաթիռ է հերթապահել Ուկրաինայի արևմտյան սահմանի մոտ ԱՄՆ նախագահ Ջո Բայդենի Կիև կատարած այցի ժամանակ: Այս մասին տեղեկացնում է ՌԻԱ Նովոստին: 

Հաղորդվում է, որ  կիրակի երեկոյան Լեհաստանի երկնքում` Ուկրաինայի Լվովի մարզի սահմանների մոտ, հերթապահել է ԱՄՆ-ի երկու հետախուզական ինքնաթիռ` ռազմավարական «հետախույզ» Boeing RC-135-ը և հեռահար ռադիոլոկացիոն հայտնաբերման Boeing e-3 Sentry–ը: Թռիչքների շրջանում է գտնվել նաև ամերիկյան Boeing KC-135R Stratotanker ինքնաթիռը:

Ավելի վաղ հայտնել էինք, որ Բայդենն այսօր չհայտարարված այցով ժամանել է Կիև և հանդիպել Վլադիմիր Զելենսկու հետ։