ԵՄ-ն Հայաստան կուղարկի 100 հոգանոց առաքելություն. մանրամասներ
Եվրահանձնաժողովի նախագահ Ուրսուլա ֆոն դեր Լեյենը տեղեկացրել է, որ Եվրամիությունը հաջորդ շաբաթ Հայաստան կուղարկի 100 հոգանոց առաքելություն: Այս մասին գրում է «ՌԻԱ նովոստի»-ին:
Հունվարի 23-ին կայացած հանդիպման ժամանակ ԵՄ ԱԳ նախարարները հավանություն են տվել Հայաստանում քաղաքացիական առաքելության ստեղծմանը, որը նպաստելու է սահմանային գոտիներում կայունացմանը, վստահության ամրապնդմանը, Հայաստանի և Ադրբեջանի միջև հարաբերությունների կարգավորմանը։ Ակնկալվում է, որ առաքելության մանդատը կլինի երկու տարի, նրա օպերատիվ շտաբը կգտնվի Հայաստանում։
Ուրբաթ օրը ֆոն դեր Լայենը հանդիպել է Հայաստանի վարչապետ Նիկոլ Փաշինյանի հետ։
«ԵՄ-ն վստահելի գործընկեր է Հայաստանի համար: Հաջորդ շաբաթ Հայաստան կուղարկվի 100 հոգանոց առաքելություն՝ խթանելու խաղաղությունն ու կայունությունը: Մենք ողջունում ենք ժողովրդավարական բարեփոխումների առաջընթացը և կշարունակենք զարգացնել երկրի կարողությունները՝ մեր տնտեսական ներդրումային ծրագրի շրջանակում»,-հանդիպումից հետո ԵՀ ղեկավարը գրել է Twitter-ում:
Ավելի վաղ ՌԴ ԱԳՆ-ն մեկնաբանել էր Հայաստանում ԵՄ նոր միջնորդական առաքելության տեղակայումը և հայտարարել էր, որ Հայաստանի սահմանամերձ շրջաններում ԵՄ ներկայացուցիչների հայտնվելը կարող է միայն աշխարհաքաղաքական առճակատում բերել տարածաշրջան և սրել առկա հակասությունները, ԵՄ-ի փորձերը դուրս մղել:
