Արգիշտի Քյարամյանին գնդապետի կոչում տվել են նշանակվելուց մեկ ամիս անց. «Հրապարակ»

«Հրապարակ» օրաթերթը գրում է, որ  Քննչական կոմիտեի նախագահ Արգիշտի Քյարամյանի՝ ԱԱԾ փոխտնօրեն, ապա տնօրեն դառնալու կապակցությամբ նոր հանգամանքներ են հայտնի դարձել։

«Քյարամյանն ԱԱԾ տնօրենի տեղակալ է նշանակվել 2020 թ. մայիսի 5-ին, իսկ ԱԱԾ տնօրենի գաղտնի հրամանագրով նրան գնդապետի կոչում է շնորհվել նույն թվականի հունիսի 1-ին, այսինքն՝ նշանակումից 1 ամիս անց, մինչդեռ գնդապետի կոչումը նման պաշտոն զբաղեցնելու համար ուղղակի պարտադիր էր, դա օրենքի պահանջն է։
Ըստ էության, Սահմանադրություն եւ օրենքներ են խախտվել, ու այս նշանակումն ապօրինի է կատարվել: Այստեղից հետեւում է, որ Արգիշտի Քյարամյանը, չունենալով ո՛չ պահանջվող զինվորական կոչումը, ո՛չ համապատասխան ծառայողական փորձը, նշանակվել է ԱԱԾ տնօրենի տեղակալի պաշտոնին։ Ավելին՝ գնդապետի զինվորական կոչում ստանալուց ընդամենը 7 օր անց՝ 2020 թվականի հունիսի 8-ին էլ նշանակվել է ԱԱԾ տնօրեն»։