Իսրայելի արտգործնախարարը մեկնել է Սուդան. կքննարկվեն «Աբրահամյան» պայմանավորվածությունները

Իսրայելի արտաքին գործերի նախարար Էլի Քոհենը մեկնել է Խարտում՝ բանակցելու «Աբրահամյան» համաձայնագրերի շուրջ, որի ստորագրման գործընթացը Սուդանը չի ավարտել մի քանի տարի առաջ, գրում է Jerusalem Post թերթը։

Թերթը գրում է, որ Սուդանն առաջին երկրներից էր, որը սկզբունքորեն համաձայնեց Իսրայելի հետ հարաբերությունների կարգավորմանը, սակայն փաստաթղթերի ստորագրման գործընթացը ավարտին չհասավ։

Իսրայելի ԱԳՆ-ն պաշտոնապես չի հաղորդել ուղևորության մասին, սակայն մի քանի իսրայելական լրատվամիջոցներ, այդ թվում՝ The Jerusalem Post-ը, տեղեկություն են ստացել այդ մասին։ Պարբերականը նշում է, որ Քոհենի ուղեւորությունը տեղի է ունեցել ԱՄՆ պետքարտուղար Էնթոնի Բլինքենի Իսրայել այցելությունից անմիջապես հետո։ Միացյալ Նահանգները հանդես է եկել որպես միջնորդ այս համաձայնագրերի կնքման գործում։

2020 թվականին ԱՄԷ-ն և Իսրայելը կարգավորեցին հարաբերությունները Միացյալ Նահանգների միջնորդությամբ։ Բացի ԱՄԷ-ից, Իսրայելի հետ այդ ժամանակ դիվանագիտական ​​հարաբերություններ հաստատեցին Բահրեյնն ու Մարոկկոն։ Համապատասխան պայմանագրերը կոչվում էին Աբրահամյան։ 2021 թվականի հունվարի սկզբին Սուդանը պաշտոնապես միացավ նրանց։ Մինչ այս Իսրայելի հետ դիվանագիտական ​​հարաբերություններ ունեին արաբական միայն երկու երկրներ՝ Եգիպտոսը (հաստատվել է 1979 թվականին) և Հորդանանը (հաստատվել է 1994 թվականին)։