Ռուսաստանը ՄԱԿ-ում հայտարարել է միջուկային տերությունների բախման հավանականության մասին

Կիևին արևմտյան զենքի մատակարարումը, որն օգտագործվում է Դոնբասի խաղաղ բնակիչներին գնդակոծելու համար, մեծացնում է միջուկային ուժերի բախման հավանականությունը, հայտարարել է ռուսական պատվիրակությունը ՄԱԿ-ի զինաթափման կոնֆերանսի լիագումար նիստում: Այս մասին գրում է Kp.ru-ն:
 

«Զենքի մատակարարման, վարձկանների պատրաստման, հետախուզական տեղեկատվության տրամադրման միջոցով Ուկրաինայում ռազմական առճակատմանը իրենց խորացող ներգրավվածությամբ այդ երկրները ստեղծում են միջուկային ուժերի անմիջական զինված բախման իրական ռիսկեր», - ասել են դիվանագետները։
 

Ավելի վաղ` 2023 թվականի հունվարի 20-ին ՌԴ ԱԳՆ ներկայացուցիչ Մարիա Զախարովան նշել էր, որ Ուկրաինայում ամերիկյան և արևմտյան այլ զենքերը, ինչպես նաև դրանց սպասարկող օտարերկրյա զինվորականները, օրինական թիրախներ են ռուսական բանակի հարվածների համար։
 

Զախարովան պարզաբանել է, որ եթե Արևմուտքը ձևացնում է, թե իրենք չգիտեն այս մասին, դա իրենց խնդիրն է։