«Պատերազմը ԱՄՆ-ի բիզնեսն է», «Ամերիկան ահաբեկչական երկիր է»․ այս վանկարկումներով են ՌԴ ԱԳՆ շենքի մոտ ակտիվիստները դիմավորել ԱՄՆ նորանշանակ դեսպան Լին Թրեյսիին:

ՀՀ-ում նախկին դեսպանը, որը դիվանագիտական ծառայությունը ՌԴ-ում դեսպանությամբ է շարունակում, այսօր իր հավատարմագրերն է հանձնել ՌԴ ԱԳՆ-ին։ Հաղորդվում է, որ Ռուսաստանում ԱՄՆ-ի նոր դեսպան Թրեյսին դուրս է եկել արտաքին գործերի նախարարության շենքից՝ այնտեղ գտնվելով մոտ կես ժամ։

Թրեյսիից հետո ՀՀ-ում ԱՄՆ դեսպան է նշանակվել Քրիստինա Քուինը։ Իսկ Լին Թրեյսին որպես ՌԴ-ում ԱՄՆ դեսպան փոխարինել է Ջոն Սալիվանին, որը սեպտեմբերին ավարտել է իր աշխատանքը և լքել Ռուսաստանը: