Ռուս-ուկրաինական պատերազմում Չինաստանը մեղադրում է ԱՄՆ-ին` հիմնական շարժիչ ուժը լինելու համար

«Եթե ԱՄՆ-ն իսկապես հոգ է տանում ուկրաինացի ժողովրդի մասին, ապա պետք է դադարեցնի սպառազինության մատակարարումը»,-ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Մաո Նինը։

«ԱՄՆ-ն ուկրաինական ճգնաժամի գլխավոր նախաձեռնողն ու հիմնական շարժիչ ուժն է, նա անընդհատ ծանր ու հարձակողական սպառազինություն է մատակարարում Ուկրաինային՝ ձգձգելով հակամարտությունը և այն դարձնելով ավելի ինտենսիվ»,-ասել  է Մաո Նինը:

Նա Վաշինգտոնին կոչ է արել «դադարել հարստանալ պատերազմով» և «պատասխանատու կերպով նպաստել դեէսկալացիային»՝ պայմաններ ստեղծելով «շահագրգիռ կողմերի» խաղաղ բանակցությունների համար:

«Իրենց գործողությունների մասին մտածելու փոխարեն ամերիկյան կողմը անհիմն կասկածներ ու մեղադրանքներ հնչեցնում Չինաստանի հասցեին: Մենք չենք ընդունի նման անհիմն շանտաժը, մենք ձեռքերը ծալած չենք նստի և տեսնենք, թե ինչպես է ԱՄՆ-ն անհիմն կերպով խախտում օրինական իրավունքներն ու չինական ընկերությունների շահերը»,- ասել է Մաո Նինգը՝ մեկնաբանելով տեղեկություններն այն մասին, որ չինական պետական ​​ընկերությունները ռազմական և ֆինանսական օգնություն են ցուցաբերում Ռուսաստանին ուկրաինական հակամարտությունում, հայտնում է Ռիա Նովոստին։