Պուտինն ինձ սպառնաց. Ի՞նչ են խոսել Վլադիմիր Պուտինն ու Բորիս Ջոնսոնը
BBC-ն վավերագրական ֆիլմ է ներկայացրել ուկրաինական պատերազմի առթիվ, որտեղ ՄԹ նախկին վարչապետ Բորիս Ջոնսոնը պատմում է Պուտինի հետ հեռախոսազրույցի մասին:
Զգուշացնում էի, որ Ուկրաինա ներխուժումը կհանգեցնի պատժամիջոցների ու ՌԴ սահմանին ՆԱՏՕ-ի զորքերի ավելացմանը` վստահեցնելով, որ տեսանելի ապագայում Ուկրաինան ՆԱՏՕ-ի անդամ չի դառնա։ Բայց ինչ-որ պահի Պուտինն ինձ սպառնաց.
«Բորիս, ես չեմ ուզում քեզ վնասել, բայց հրթիռով դա կտևի սոսկ մեկ րոպե»:
BBC-ին գրում է, որ Ջոնսոնը նաև փորձել է Ռուսաստանի նախագահին փոխանցել, որ Ուկրաինան չի անդամակցի ՆԱՏՕ-ին:
«Նա ասաց՝ Բորիս, դու ասում ես, որ Ուկրաինան շուտով չի պատրաստվում անդամակցել ՆԱՏՕ-ին։ Ի՞նչ նկատի ունես շուտով», և ես ասացի. «Դե, նա չի պատրաստվում միանալ ՆԱՏՕ-ին տեսանելի ապագայում: Դուք դա շատ լավ գիտեք»:
Հայտնի չէ, թե որքան լուրջ էին Պուտինի սպառնալիքները, սակայն հաշվի առնելով Միացյալ Թագավորության վրա ռուսական նախորդ հարձակումները, ներառյալ Սոլսբերիում Սկրիպալների թունավորումը, Ռուսաստանի առաջնորդի ցանկացած սպառնալիք Ջոնսոնը, ամենայն հավանականությամբ, լուրջ է ընդունել, ասում են BBC-ի թղթակիցները:
«Պուտինն ընդդեմ Արևմուտքի» վավերագրական ֆիլմը կցուցադրվի երկուշաբթի՝ Լոնդոնի ժամանակով 21:00-ին, BBC 2-ով և հասանելի կլինի Մեծ Բրիտանիայի iPlayer-ով:
