Էդուարդ Աղաջանյանը, Հակոբ Արշակյանն ու Անդրանիկ Քոչարյանը կգործուղվեն Մոսկվա
ՀՀ ազգային ժողովի պատվիրակությունը հունվարի 31-ին կմեկնի Մոսկվա, որտեղ կմասնակցի ՀԱՊԿ անդամ պետությունների խորհրդարանների արտաքին հարաբերությունների, պաշտպանության և անվտանգության հարցերի հանձնաժողովների (կոմիտեների) նախագահների խորհրդակցությանը, տեղեկությունը հայտնում է ԱԺ մամուլի ծառայության կայքը:
«2023 թվականի հունվարի 31-ից փետրվարի 1-ը Մոսկվա կգործուղվեն Ազգային ժողովի նախագահի տեղակալ Հակոբ Արշակյանը, Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, Ազգային ժողովի պատգամավոր Էդուարդ Աղաջանյանը և Ազգային ժողովի աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ Սոֆյա Մնացականյանը»:
Էդուարդ Աղաջանյանը Ռուսաստան կմեկնի պատգամավորի կարգավիճակում։
Ավելի վաղ հայտնել էինք, որ Էդուարդ Աղաջանյանը հրաժարականի դիմում է ներկայացրել ԱԺ արտաքին հարաբերությունների հարցերի հանձնաժողովի նախագահի պաշտոնից:
