Ուկրաինայի և Արևմուտքի հետ հակամարտությունը նոր Հայրենական պատերազմ է. Մեդվեդև

ՌԴ Անվտանգության խորհրդի փոխնախագահ Դմիտրի Մեդվեդևը Ռուսաստանի, Ուկրաինայի և Արևմուտքի միջև հակամարտությունն անվանել է նոր Հայրենական պատերազմ: Նա նշել է, որ Ռուսաստանը կհաղթի, ինչպես դա եղավ 1812 և 1945 թվականներին։

 

Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորելը իր ելույթներից մեկում ասել էր, որ «Ռուսաստանը սովոր է մինչև վերջ կռվելու», նշել Նապոլեոնի և Հիտլերի նկատմամբ նրա հաղթանակները և կոչ արել զինել Ուկրաինային։

 

«Կեցցե Բորելը: Նա հիշեց, որ մեր երկիրը հաղթեց Նապոլեոնին և Հիտլերին: Նկատենք, որ անալոգիան ինքն է արել: Ըստ այդմ, ուկրոնացիստներն ու Արևմտյան Եվրոպան Ռուսաստանի հետ կռվածների անմիջական ժառանգներն են: Եվ պատերազմը, հետևաբար, նրանց հետ նոր Հայրենական պատերազմ է։ Եվ հաղթանակը մերն է լինելու, ինչպես 1812-ին և 1945-ին»,- գրել է Մեդվեդևը Telegram-ի իր ալիքում։

Քաղաքականություն

Պատահարներ