Իրանի արտգործնախարարն ու Չավուշօղլուն կհանդիպեն
Իրանի արտաքին գործերի նախարար Հոսեյն Ամիր Աբդոլլահիանը վաղը կմեկնի Թուրքիա: Այս մասին հայտնում է ISNA-ն:
Նշվում է, որ Աբդոլլահիանը Թուրքիայում կքննարկի Սիրիայում տիրող իրավիճակը, ինչպես նաև Ռուսաստանի, Սիրիայի և Թուրքիայի պաշտպանության նախարարների վերջին բանակցությունները։
«Պլանավորված ծրագրի համաձայն՝ Իսլամական Հանրապետության արտաքին գործերի նախարարն իր թուրք գործընկերոջ (Մևլութ Չավուշօղլու) հրավերով երեքշաբթի կմեկնի Թուրքիա»,-նշվում է հաղորդագրության մեջ։
Բացի դա, հաղորդվում է, որ Իրանի արտգործնախարարը Թուրքիայում կհանդիպի մի շարք բարձրաստիճան պաշտոնյաների հետ՝ քննարկելու երկկողմ հարաբերությունները, վերջին իրադարձությունները և Սիրիայում տիրող իրավիճակը։
