Անգլիայում բժշկները լայնամասշտաբ գործադուլ են սկսել
Անգլիայի հիվանդանոցների ավագ բժիշկները 48-ժամյա գործադուլ են սկսել: Այս մասին հաղորդում է BBC-ն։ Հազարավոր բժիշկներ ժամը 07։00-ից դադարեցրել են աշխատանքը և դուրս եկել փողոցներ։
Հաղորդվում է, որ գործադուլի հիմնական պահանջը աշխատավարձերի բարձրացումն է։ Բժիշկները պահանջում են 35 տոկոսով բարձրացնել իրենց աշխատավարձերը։ Բժիշկները 2012 թվականից ի վեր առաջին անգամ են նման երկարաժամկետ գործադուլի մասնակցում։
Հազարավոր ծրագրված վիրահատություններ ու խորհրդատվություններ են հետաձգվել։ Կան հիվանդանոցներ, որտեղ բժիշկների 50%-ն է գործադուլի դուրս եկել։
Հիվանդանոցներից մեկի տնօրենն էլ BBC-ին ասել է, որ անձնակազմը գիտակցում է՝ հնարավոր է, որ հանրային աջակցություն չլինի՝ ի աջակցություն բժիշկների։ Գործադուլին մասնակցող բժիշկները BBC-ին նաև հայտնել են, որ գործադուլը դժվար որոշում էր,ս ակայն այն անհրաժեշտ էր։
