Լեռնային Ղարաբաղ, Սուրբ Ծնունդը շրջափակման մեջ. Greek City Times
Դեկտեմբերի 12-ից սկսած ԼՂ-ում իրավիճակն օրեցօր վատանում է։ Ամսի 12-ից մի խումբ ադրբեջանցիներ փակել են Լաչինի միջանցքը՝ Հայաստանը և Լեռնային Ղարաբաղը (հայերի կողմից նաև Արցախ կոչվող) իրար կապող միակ ճանապարհը։
Լաչինի միջանցքը տարածք է Հայաստանից դեպի Արցախ, որն ամբողջությամբ շրջապատված է Ադրբեջանով, որն իր անմիջական համաձայնությունն է տվել, որպեսզի միջանցքը գտնվի ռուս խաղաղապահների վերահսկողության տակ ՝ 2020 թվականի հրադադարի համաձայնագրով։ Այս մասին գրում է Greek City Times-ը:
Բաքուն պնդում է, որ շրջափակումը պատասխան է իր քաղաքացիական հասարակության նախաձեռնությանը, լրատվականների հետաքննությունները բացահայտում են այսպես կոչված ադրբեջանցի "էկոակտիվիստների" և Ադրբեջանի կառավարության միջև կապը: Լինի դա բնապահպանական, թե քաղաքական պահանջ, մարդասիրական իրավիճակը տեղում օրեցօր վատանում է։
