Բելգիայի ԱԳՆ-ն քաղաքացիներին կոչ է անում լքել Իրանը
Կամայական ձերբակալությունների, «արատավոր արդարադատության» վտանգի պատճառով Բելգիայի ԱԳՆ-ն երկրի քաղաքացիներին խորհուրդ է տվել անհապաղ հեռանալ Իրանից, գրում է Kommersant-ը։
Նախարարությունը պարզաբանել է, որ նախազգուշացումը վերաբերում է նաև նրանց, ովքեր Իրան են ժամանել զբոսաշրջության նպատակով։
«Իրանում ձերբակալված կամ կալանավորված քաղաքացիներին հյուպատոսական պաշտպանություն տրամադրելու Թեհրանում Բելգիայի դեսպանատան հնարավորությունները սահմանափակ են: Ավելին, երկքաղաքացիության դեպքում հյուպատոսարան այցելելն անթույլատրելի է, քանի որ Իրանի իշխանությունները դա չեն ճանաչում»,- նշվում է նախարարության կայքում։
Դիվանագետները նաև խորհուրդ են տալիս բելգիացիներին ձեռնպահ մնալ Իրան մեկնելուց «ցանկացած պատճառով»:
«Վերջերս Բելգիայի մի քաղաքացի և արևմտյան երկրների մի քանի այլ բնակիչներ կամայականորեն ձերբակալվել են և ներկայումս կալանքի տակ են գտնվում Իրանում»,- նշվում է հաղորդագրությունուն։
Սեպտեմբերից Իրանում զանգվածային հակակառավարական ցույցեր են տեղի ունենում, որոնք հրահրվել են 22-ամյա Մահսա Ամինիի մահով, ով, ըստ տեղեկությունների, սպանվել է Իրանի վերահսկողական պարեկության անդամների կողմից հիջաբը սխալ կրելու համար։