Սառեցված թռչնամիսը վաճառում են թարմ մսի անվան տակ. բողոք
Հայ արտադրողները բողոքում են թռնչամսի շուկայում անհավասար պայմաններից։ Այս մասին NEWS.am-ի հետ զրույցում ասել է Հայաստանի թռչնաբույծների միության նախագահ Սերգեյ Ստեփանյանը։
Նա պարզաբանել է, որ հաճախ երրորդ երկրներից սառեցված թռչնամիսը, հատկապես Վրաստանից, չի մակնշվում, որ երրորդ երկրից է և վաճառվում է թարմ մսի անվան տակ։
Տեղական ընկերությունների արտադրանքը մակնշվում է, իսկ ներկրվող մսի որոշակի մասը՝ ոչ։
«Դա անհավասար պայմաններ է ստեղծում։ Մինչև սառեցված միսը հասնում է առևտրի կետեր, արդեն վաճառվում է թարմ մսի անվան տակ, թեև սառեցված միսը 100-150 դրամով (մոտ 30 ցենտով-խմբ.) ավելի էժան է»,-ընդգծել է նա։
Հայաստանի մրցակցության պաշտպանության հանձնաժողովի խոսնակ Անի Սմբատյանը լրատվամիջոցի հետ զրույցում ասել է, որ եթե արտադրողները տեղյակ են վերոնշյալ երևույթի դրսևորումների կոնկրետ դեպքերից, ապա կարող են դիմել, և հանձնաժողովը կուսումնասիրի դրանք:
Մանրամասները` կայքում։
