Ինչ վիճակում է Ուկրաինային հանձնված ռազմական տեխնիկան. The New York Times-ը բացահայտումներ է արել
Ուկրաինային հանձնված արևմտյան հաուբիցների մեկ երրորդը շարքից դուրս է եկել, The New York Times-ին հայտնել են իր աղբյուրները։ Ընդհանուր առմամբ, արևմտյան երկրները Կիև են ուղարկել 350 հաուբից։
The New York Times-ը, վկայակոչելով ԱՄՆ-ի և Ուկրաինայի պաշտոնյաներին, գրում է, որ հրետանին, որը արևմտյան երկրները փոխանցում են Կիև, շատ հաճախ է վնասվում։
Լեհաստանում վերանորոգվում են վնասված զենքերը, տեխնիկայի սպասարկումը առաջնահերթություն է դարձել Պենտագոնի եվրոպական հրամանատարության համար։ Սակայն Կիևը դժգոհում է. կարծում է, որ վերանորոգումը պետք է իրականացվեր պատերազմի գոտուն ավելի մոտ, որպեսզի տեխնիկան ավելի արագ վերադարձվեր ռազմաճակատ։