Telegram-ի օգտատերերն ավելացել են 2 միլիոնով WhatsApp-ի անսարքության պատճառով

Telegram սոցցանցի օգտատերերն ավելացել են 2 միլիոնով WhatsApp-ի անսարքության պատճառով: Այս մասին հայտնում է Известия-ն՝ հղում տալով Mediascope-ի վերլուծական տվյալները:

 
Նշվում է, որ հոկտեմբերի 25-ին Պավել Դուրովի մեսենջերի միջին օրական տրաֆիկը 48 միլիոնից հասել է ռեկորդային 50 միլիոնի։
 

«Ակնհայտ է, որ օգտատերերը WhatsApp-ի ձախողման պատճառով սկսել են այլընտրանք փնտրել։ Telegram-ը ստացել է մոտ 2 միլիոն նոր բաժանորդ, բայց հաջորդ օրերին նրանք դադարեցրել են մուտքը», - թերթին ասել է սոցիալական ցանցերի և մեսենջերների պրոֆեսիոնալ օգտատերերի ասոցիացիայի տնօրեն Վլադիմիր Զիկովը: