«ԵՄ-ն կոչ է անում Ռուսաստանին չեղարկել իր որոշումը». Բորել
Եվրամիության դիվանագիտության ղեկավար Ժոզեպ Բորելը ՌԴ-ին կոչ է արել չեղարկել ուկրաինական հացահատիկի արտահանման գործարքին մասնակցությունը դադարեցնելու որոշումը:
«Գործարքին մասնակցությունը կասեցնելու Ռուսաստանի որոշումը վտանգում է խիստ անհրաժեշտ հացահատիկի և պարարտանյութերի հիմնական արտահանման երթուղին։ ԵՄ-ն կոչ է անում Ռուսաստանին չեղարկել իր որոշումը», - ասել է Բորելը։
Հիշեցնենք` ՌԴ ՊՆ-ն հայտնել էր, որ Ռուսաստանը դադարեցնում է մասնակցությունը հացահատիկի գործարքին:
