500 ծանր զինտեխնիկայի առկայությունը ցույց է տալիս մեր պատրաստակամությունը․ հայտարարություն՝ Իրանից
«Հայաստան-Իրան ռազմավարական համագործակցության զարգացման կենտրոնի» հիմնադիր Պույա Հոսեյնին մեջբերել է Իսլամական հեղափոխության պահապանների կորպուսի ցամաքային զորքերի հրամանատար, բրիգադի գեներալ Մոհամմադ Փաքպուրի խոսքերը. «Իսլամական Հեղափոխության Պահապանների Կորպուսի Ցամաքային Զորքերի Հրամանատար, բրիգադի գեներալ Մոհամմադ Փաքպուր. «Սիոնիստական ռեժիմը փորձում է բազաներ ստեղծել Իրանի որոշ հարևան երկրներում՝ չարաշահելով իր հարաբերությունները տարածաշրջանի որոշ երկրների հետ, սակայն Իրանի Իսլամական Հանրապետության զինված ուժերը և ԻՀՊԿ ցամաքային զորքերը թույլ չեն տա սիոնիստներին անել նման գործողություն: Ինչպես մենք նախկինում հայտարարել ենք՝ թույլ չենք տա մեզ սահմանակից երկրներում սպառնալիքի որևէ կենտրոնի ձևավորում:
Մենք չենք ընդունում մեր սահմանների որևէ փոփոխություն, որը կվնասի մեր ազգային շահերին, ազգային անվտանգությանը: Եվ մեր այսօրվա ներկայությունը Արազի տարածքում ու այս մեծ զորավարժությունների իրականացումը ուղերձ են որոշ նկրտումներ ունեցող երկրներին:
Այս զորավարժություններին 500 ծանր զինտեխնիկայի առկայությունը ցույց է տալիս մեր պատրաստակամությունն ու պաշտպանական կարողությունը՝ տարածաշրջանի ագրեսոր երկրների դեմ»։ |
