«ՆԱՏՕ-ն դրանով մոտենում է Ռուսաստանի հետ ռազմական բախման վտանգավոր գծին». Զախարովա
Ուկրաինայի զինումը ՆԱՏՕ-ի սպառազինությամբ դաշինքին մոտեցնում են Ռուսաստանի հետ ուղղակի ռազմական բախման վտանգավոր գծին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Տեղեկատվությունը փոխանցում է ՏԱՍՍ-ը:
«ՆԱՏՕ-ի երկրները, կարծես մրցակցելով միմյանց հետ, շարունակում են Կիեւի ռեժիմին մատակարարել սպառազինություն, նրան հետախուզական տվյալներ մատակարարել, Կիեւի ռեժիմի զինվորներին վարժեցնել, կողմնորոշել ռազմական գործողությունների վարման ուղղությամբ՝ դրանով իսկ մոտենալով Ռուսաստանի հետ ուղղակի ռազմական բախման վտանգավոր գծին», - ասել է Զախարովան։
Զախարովան ուշադրություն է հրավիրել այն հանգամանքի վրա, որ Արեւմտյան ռազմական օգնությունն Ուկրաինային, վերջին տվյալներով, արդեն կազմել է 42,3 մլրդ դոլար, որից 28,3 մլրդ դոլարը բաժին է ընկնում ԱՄՆ-ին:
