Մակրոնին զայրացրել է Շոլցի որոշումը. The Telegraph

Ֆրանսիայի նախագահ Էմանուել Մակրոնին զայրացրել է Գերմանիայի կանցլեր Օլաֆ Շոլցի՝ Գերմանիայի էներգետիկ ոլորտին աջակցելու համար 200 միլիարդ եվրո հատկացնելու որոշումը։ Այս մասին հայտնում է The Telegraph-ը։ Տեղեկատությունը փոխանցում է m24.ru-ն:

Պարբերականի տվյալներով ՝ Ֆրանսիայի առաջնորդը բարկացել է, քանի որ Շոլցը նախապես չի խորհրդակցել ԵՄ-ից իր «ամենամոտ գործընկերոջ» հետ։ Մակրոնին դուր չի եկել նաև այն, որ Գերմանիայի կանցլերը նախապատվությունը տալիս է ամերիկյան զենքին։

«Ֆրանսիայի ղեկավարը, նույնիսկ չեղարկել է իր գերմանացի գործընկերոջ հետ նախատեսված հանդիպումը», – նշում է հոդվածի հեղինակ Հենրի Սամուելը:

Ընդ որում, ըստ պարբերականի, Շոլցի մամուլի քարտուղարը խոստովանել է, որ Փարիզն ու Բեռլինը մի շարք հարցերում չեն կարող համաձայնության գալ։ Միևնույն ժամանակ, դիվանագիտական շրջանակներում աղբյուրը պատմել է, որ առհասարակ ֆրանսիացիները շատ զայրացած են գերմանացիների և Շոլցի վրա: