Նոր պատժամիջոցներ՝ Իրանի նկատմամբ
ԵՄ անդամ երկրները նոր պատժամիջոցներ կսահմանեն Իրանի նկատմամբ՝ կապված Ուկրաինայի շուրջ ստեղծված իրավիճակում ՌԴ-ին աջակցելու հետ, գրում է ТАСС-ը՝ վկայակոչելով DPA գործակալությանը:
Գործակալությունը, հղում անելով Բրյուսելի դիվանագիտական աղբյուրներին, գրում է, որ պատժամիջոցներ են կիրառվել այն անձանց և կազմակերպությունների նկատմամբ, որոնք կարող են ներգրավված լինել իրանական անօդաչու թռչող սարքերի մշակման և Ռուսաստանին մատակարարման մեջ։ Նախնական տեղեկություններով՝ ԵՄ-ում նրանց ակտիվները կսառեցվեն, իսկ մուտքը ԵՄ երկրներ կարգելվի։
Պատժամիջոցները դեռ պետք է պաշտոնապես հաստատվեն գրավոր ընթացակարգով համայնքի երկրների մայրաքաղաքներում։ Դա պետք է արվի մինչև հոկտեմբերի 20-ը:
